網紅的藏寶箱剛剛做星期日父親節live嘅時候，有一樣嘢想藉哩個live分享，不過太多野想講，不如直接化成文字。
今日睇到《全民造星4》開始招募，好開心，因為哩個屬於咁多人嘅心血，可以繼續燃燒落去。衷心祝福哩個咁熱血嘅節目，可以繼續製造新一代嘅明星。特別感謝花姐再次邀請我做到哩個節目嘅導師，不過，我口頭請辭了。
上台容易落台難。我想像，如果我再次做導師，我都難以超越上一次嘅自己。既然唔能過做得更好，何不讓更多有才之士去做？經過深思熟慮後，我先下哩個決定。
想嚮父親節嘅直播講哩個消息，因為《全民造星》哩個節目，俾左「二汶爸爸」哩個稱號我。到今日，依然有人叫我二汶爸爸。哩個節目，真係帶俾我好多好多野，我衷心好感激花姐同ViuTV俾左哩個機會我。花姐成日叫我唔好多謝佢，其實我最多謝嘅係佢。
亦都係因為做導師，我覺得有好多才華同天賦，都係從小培養的。哩個機會，俾我好大嘅啟發。於是，我將會籌備一間音樂教室，希望將音樂從教育伸延落去。選址同師資已經確定，希望不久將來可以同大家分享哩份喜悅😊
祝各位父親節快樂😊❤️
Search